Til dagligt arbeiða tær báðar vinkonurnar Berit Norðoy og Bjørg Mohr Andersen sum ávikavist bankakvinna og fotografur. Men stóra felags áhugamálið er myndlistin, og hava tær báðar verið við á fleiri framsýningum í Føroyum.
Berit málar abstraktar myndir, har tú hómar fólk og fjøll. Á myndunum, hon nú sýnir fram, hevur hon lagt seg serliga eftir at arbeiða við litum.
Málningarnir hjá Bjørg eru eisini abstraktir, har eitt gjøgnumgangandi tema er dýpdin, sum kemur fram á ymsar hættir í eyðkenda reyða litinum.
Framsýningin verður at síggja í vanligu upplatingartíðunum hjá Leikalund.
