Egyptaland var favorittur undan HM-sekstandapartsfinaluni móti Avstralia á AT&T leikvøllinum í Arlington í Texas.
Egyptar høvdu eisini bóltin meira og høvdu væl fleiri málmøguleikar enn avstraliumenn. Leikararnir hjá Avstralia stríddust tó manniliga, og teir megnaðu at taka dystin allan vegin til eina brotssparkskapping. Í brotssparkskappingini var tó klassamunur. Egyptar skoraðu upp á fýra av fýra brotsspørk, meðan avstraliumenn brendu tvey av fýra.
13 minuttir vóru leiktir tá Emam Ashour legði Egyptaland á odda. Avstralia javnaði í 55. minutti, tá Mohamed Hany stútaði bóltin í egið mál. Egyptar høvdu møguleikarnar at avgera dystin, eisini í longdu leiktíðin, men teir tóku ikki av. Teir tóku tó av í brotssparkskappingini.
Í áttandapartsfinaluni møtir Egyptaland vinnaranum av dystinum millum Argentina og Kap Verde (Grønhøvdaoyggjunum).
Egyptaland er saman við Marokko einastu umboðini fyri Afrika í HM-áttandapartsfinalunum.
Avstralia-Egyptaland 3-5 (1-1 - 0-1) - Egyptaland vann brotssparkskappingina 4-2.
0-1 Emam Ashour ('13 )
1-1 sjálvmál ('55 )
HER ber til at síggja hæddarpunktini frá dystinum millum Avstralia og Egyptaland.
-------------
HER ber til at síggja hvussu HM verður víst í teimum ymisku londunum, hvørs sjónvarpsrásir vísa HM-dystirnar. Ovast til høgru er eitt yvirlit við teimum ymisku londunum.
